Բենեդիկտ ԺԶ պապը շնորհավորել է Գարեգին 2-ին
Գարեգին Բ Կաթողիկոսի գահակալության տասնամյակի առիթով Նորին Սրբությանը շնորհավորական ուղերձ է հղել Հռոմի Սրբազան Քահանայապետ Բենեդիկտ ԺԶ Պապը:
Ուղերձում ասվում է. «Փառք ենք տալիս Աստծուն այն օրհնության համար, որ Նա տվել է Հայաստանյայց Առաքելական Եկեղեցուն` Ձերդ Սրբության ծառայության միջոցով: Մեզ հայտնի է նաև Ձեր անձնական նվիրումը Հայ Առաքելական և Կաթոլիկ Եկեղեցիների միջև երկխոսության, համագործակցության և բարեկամության հանդեպ… Աղոթում ենք, որ մեր միջև հաստատված բարի հարաբերությունները շարունակեն աճել գալիք տարիներին:
Անցած դարավերջում Հայոց Եկեղեցին վերագտավ անկախությունը, ինչը ուրախություն պատճառեց համայն աշխարհի քրիստոնյաներին: Եկեղեցական կյանքը վերակառուցելու հսկայական աշխատանքը ընկավ Ձեր ուսերին: Նման կարճ ժամանակահատվածում ձեռքբերվածն իրապես նշանակալի է. նոր նախաձեռնություններ երիտասարդների քրիստոնեական դաստիարակության, եկեղեցականների պատրաստության, նոր համայնքների հաստատման, նոր եկեղեցիների և համայնքային կենտրոնների կառուցման, ինչպես նաև ազգի հասարակական և մշակութային կյանքում քրիստոնեական արժեքների հաստատման ուղղությամբ»:
ArmAr.am
Դիտել Լրահոս բաժնի բոլոր նյութերը
