Թուրքիայում  երեկ տեղի ունեցած խորհրդարանական ծեծկռտուքից հետո Մեջլիսը որոշում է ընդունել` քրդական հարցերին  վերաբերող ժողովրդավարական բարեփոխումների փաթեթը ներկայացնել համընդհանուր խորհրդարանական քննարկման:

Ներքին գործերի նախարար Բեշիր Աթալայը հայտարարել է, որ ժողովրդավարական բարեփոխումների գործընթացը չի վնասի երկրի ազգային շահերին: Ըստ նրա, փաստաթղթի ընդունման դեպքում Թուրքիան հնարավորություն է ստանում ձերբազատվել մի շարք խնդիրներից: Տեղեկացնենք, որ համընդհանուր քննարկման ընթացքում հայտարարություններով հանդես է գալու ինչպես Թուրքիայի վարչապետ Ռեջեփ Թայիփ Էրդողանը, այնպես էլ խորհրդարանում ընդդիմադիր բոլոր կուսակցությունների ղեկավարները: