Հանրահայատ «Forbes» ամսագիրը հրատարակել է իր վարկածով աշխարհի ամենաազդեցիկ մարդկանց ցանկը, որի առաջին եռյակը դասավորվել է հետեւյալ կերպ` Բարաք Օբաման առաջինն է, Չինաստանի նախագահ Խու Ձինտաոն երկրորդն է, իսկ երրորդը Ռուսաստանի վարչապետ Վլադիմիր Պուտինն է: Հատկանշական է, որ չորրորդ տեղում է ԱՄՆ ֆեդերալ ռեզերվային համակարգի, այլ կերպ ասած` ԱՄՆ կենտրոնական բանկի նախագահ Բեն Բեռնանկեն, իսկ հինգերորդ տեղում են Google որոնողական համակարգի ստեղծողներ Սերգեյ Բրինն ու Լարրի Փեյջը: Հետաքրքրական է նաեւ, որ ՌԴ նախագահ Դմիտրի Մեդվեդեւն աշխարհի ամենաազդեցիկ մարդկանց ցանկում 43-րդն է, իսկ նրանից մեկ աստիճան ավելի վերեւ է ՌԴ փոխվարչապետ Իգոր Սեչինը: