Շվեյցարիայի դատարանը մերժել է Թուրքիայի կառավարության պահանջը` իրեն հանձնել Քրդական աշխատավորական կուսակցության անդամ Աբդուլքադիր Այհանին:

Տեղեկացնենք, որ Շվեյցարիայի կառավարությունը դեռևս 2007-ին  Այհանին տվել էր քաղաքական ապաստարան:

Մինչ օրս Շվեյցարիայի կառավարությունը չի ընդունել իր վերջնական  որոշումը` Թուրքիայի կառավարության պահանջի առնչությամբ: Ամենայն հավանականությամբ, այն  կկայացվի  հաջորդ շաբաթ:

Իսկ մինչ այդ, Այհանի փաստաբանները կարծում են,  որ հավանականությունը մեծ է, որ Շվեյցարիայի կառավարությունը չի բավարարի Անկարայի պահանջը: Ավելին, տեղեկացվել է, որ դատարանը որոշում ընդունելիս հաշվի կառնի այն, որ Այհանը որևէ անլեգալ գործունեությամբ չի զբաղվել իրենց երկրի տարածքում և իրավունք ունի քաղաքական ապաստարան ստանալ:

ArmAr.am

Թեգեր` Աբդուլքադիր Այհանի, Թուրքիա, Շվեցարիա, Քրդական աշխատավորական կուսակցություն