Նոյեմբերի 15-ից Աբխազիայում միջազգային հեռախոսազանգերը կիրականացվեն ռուսաստանյան հեռախոսային կոդերով։ Վրացական կոդը ուժի մեջ կլինի մինչև 2010թ. հունվարի 1-ը։

Վրաստանի արտաքին գործերի նախարարությունն այս կապակցությամբ այսօր բողոքի նոտա է ներկայացրել Ռուսաստանին։ Քանի որ Վրաստանի և Ռուսաստանի միջև դիվանագիտական հարաբերություններ չկան, ուղերձը փոխանցվել է Շվեյցարիայի դեսպանատան միջոցով։

Վրացական կողմը դիմել է նաև հեռահաղորդակցության միջազգային գործակալություն՝ խնդրելով  իր վերաբերմունքն արտահայտել կատարվածի նկատմամբ։

ArmAr.am