Թուրքիայի նախագահը կոչ է արել երկրի բնակաչությանը` զգոն լինել և խոզագրիպի առաջին իսկ ախտանիշների դեպքում անցնել բուժզննում:

Այսօր Թուրքիայում խոզագրիպից մահացածների թիվը հասել է 73-ի: Առողջապահության նախարարության հրապարակած վերջին տվյալների համաձայն, խոզագրիպից հիմնականում մահանում են խրոնիկական հիվանդները, հղի կանայք և երեխաները: Ներկա պահին Թուրքիայի հիվանդանոցներում բուժվում է 250 հիվանդ, որոնցից 21-ը գտնվում է վերակենդանացման բաժնում և միացված են արհեստական շնչառության ապարատներին:

«Զաման» կայքէջի փոխանցմամբ, խոզի գրիպով վարակվել են նաև Թուրքիայի առողջապահության նախարարի որդիները: Այդ մասին հայտնել է ինքը` նախարարը, ասելով. «Իմ չորս և քսանչորս տարեկան երկու որդիները վարակվել են խոզագրիպի հարուցիչով, բայց հնարավոր է եղել  կանխել հիվանդությունը»: Ի դեպ, նախարարը  նշել է, որ Ա գրիպի համաճարակը Թուրքիայում իր գագաթնակետին կհասնի դեկտեմբեր, հունվար ամիսներին:

ArmAr.am