Այսօր արտգործնախարար Էդվարդ Նալբանդյանն ընդունել է Եվրոպայի խորհրդի նախարարների կոմիտեի մոնիտորինգի Ագոյի խմբին` դեսպան Ստելիան Սոյանի գլխավորությամբ:

Ողջունելով հյուրերին` նախարար Նալբանդյանը նշել է այցի կարևորությունը` Հայաստանում տեղի ունեցող բարեփոխումներին ծանոթանալու տեսանկյունից:

Նախարար Նալբանդանը նշել է ԵԽ-ին Հայաստանի անդամակցության նշանակությունը տարբեր ոլորտներում բարեփոխումներ իրականացնելու, կազմակերպության ընդհանուր օրակարգին նպաստելու և ԵԽ տարբեր կառույցների աշխատանքներին լիարժեքորեն մասնակցելու հարցում:

Զրուցակիցները մտքեր են փոխանակել հայ-թուրքական հարաբերությունների շուրջ: Ագոյի խումբը ողջունել է հայ-թուրքական հարբերությունների նորմալացման գործընթացը և ԵԽ պատրաստակամությունը հայտնել սատարելու գործըթնացին:

Հյուրերի խնդրանքով նախարար Նալբանդյանը ներկայացրել է արցախյան հիմնախնդրի բանակցային գործընթացի վերջին զարգացումները:

ԱԳՆ մամուլի և տեղեկատվության վարչություն