Ադրբեջանի նախագահ Իլհամ Ալիևը, «Ինտերֆակս» գործակալության տարածած տեղեկատվության համաձայն, հայտարարել է, որ եթե Մյունխենում Ադրբեջանի և Հայաստանի նախագահների միջև Լեռնային Ղարաբաղի հակամարտության կարգավորման թեմայով կայանալիք հանդիպման ժամանակ հարցը դրական առաջընթաց չստացավ, տարածաշրջանում պատերազմը կվերսկսվի:

«Եթե այս հանդիպումն անարդյունավետ լինի, այդ դեպքում արդեն բանակցությունների հույսերն ի դերև կելնեն, ու այլ ճանապարհ, պարզապես, չի մնա և մենք պետք է պատրաստ լինենք պատերազմական գործողությունների միջոցով ազատագրել ադրբեջանական հողերը: Իհարկե, վերջին տարիներին կատարված ռազմական աշխատանքներն իրենց  հստակ նպատակն ունեն. մենք միլիարդներ ենք ծախսում, ձեռք ենք բերում նոր զինամթերք, տեխնիկա, շփման գծում ամրապնդում ենք մեր դիրքերը: Այս ամենը մենք անում ենք, որպեսզի միշտ պատրաստ լինենեք հարցի նման ելքին»,-հայտարարել է Ալիևը ավելացնելով, որ Ադրբեջանն ունի բոլոր իրավունքները` իր հողերը ռազմական ճանապարհով ազատագրելու համար և վստահ է, որ միջազգային իրավունքի տեսանկյունից իրենք ոչ մի դատապարտելի քայլ չեն անում:

ArmAr.am

Թեգեր` Լեռնային Ղարաբաղ, հակամարտություն, Պատերազմ