Երևանում այսօր ընթանում է «Հավաքական անվտանգության պայմանագրի Կազմակերպությունը՝ որպես Կովկասյան տարածաշրջանում կայունության և անվտանգության գործոն» խորագրով կլոր սեղան, որին մասնակցում են ՀԱՊԿ գլխավոր քարտուղար Նիկոլայ Բորդյուժան, ՀՀ ԱԱԽ քարտուղար Արթուր Բաղդասարյանը, մի շարք քաղաքագետներ, մասնագետներ` հայաստանյան քաղաքագիտական և վերլուծական կենտրոններից, ՀԱՊԿ Ինստիտուտից, ներկայացուցիչներ ԵԱՀԿ-ից, Եվրամիությունից, ՆԱՏՕ-ից և այլ միջազգային կառույցներից:

Կլոր սեղանի մասնակիցները կքննարկեն Կովկասում ռազմա-քաղաքական իրավիճակի հնարավոր զարգացումների ծրագրերը, տարածաշրջանի ժողովուրդների համար հավաքական անվտանգության համակարգի զարգացման հեռանկարները:

Կլոր սեղանի կազմակերպիչներն են Հայաստանում ՀԱՊԿ տեղեկատվական աջակցության միջազգային հասարակական կենտրոնը, ՀԱՊԿ քարտուղարությունը, ՀԱՊԿ Ինստիտուտը:

ArmAr.am