Նոյեմբերի 22-ին Մյունխենում Հայաստանի և Ադրբեջանի նախագահների հանդիպումից հետո որոշ ադրբեջանական լրատվամիջոցներ տեղեկություն էին տարածել, թե ԼՂՀ անվտանգության գոտուց հայկական զորքերը դուրս բերելու շուրջ համաձայնություն է ձեռք բերվել:

Մեկնաբանելով Հայաստանի և Ադրբեջանի նախագահների մյունխենյան հանդիպումից հետո ադրբեջանական ԶԼՄ-ներում հայտնված տեղեկատվությունը,  Հայաստանի արտաքին գործերի նախարարի տեղակալ Շավարշ Քոչարյանը լրագրողներին ասել է հետևյալը.«Վաղուց արդեն ակնհայտ է, որ Ադրբեջանը բանակցում է ոչ թե ղարաբաղյան հիմնախնդիրը կարգավորելու համար, այլ` բանակցային գործընթացն օգտագործում է որպես քող` սեփական քարոզչությունն ու ապատեղեկատվությունը տարածելու նպատակով»:

«Դրա հերթական դրսևորումն են որոշ լրատվամիջոցների հիմնազուրկ մեկնաբանությունները` Մյունխենյան հանդիպման մասին, որոնք ոչ այլ ինչ են, քան ադրբեջանական կողմի հիվանդագին երևակայության արգասիք»,- նշել է Շավարշ Քոչարյանը:

ArmAr.am