Պուտինյան օրացույցով Ռուսաստանում արդեն Նոր տարի է
Դեկտեմբեր 5, 2009թ. 11:25
Ռուսների համար արդեն որերորդ տարին է, ինչ «պուտինյան օրացույցի» համաձայն ամանորը գալիս է սովորականից մեկ ամիս շուտ:
Ռուս ժողովրդի համար երկրի նախկին առաջնորդն, ըստ «Սվոբոդա նյուզ» պարբերականի, եթերում ամեն տարի ամանորից մեկ ամիս առաջ հանդես է գալիս ուղերձով` որպես ձմեռ պապիկ «իրականացնելով» իր ժողովրդի ցանկություններն ու երազանքները: Հոգ չէ, որ հաճախ այդ նվերներն, ինչպես գրում է պարբերականը, լինում են հույսերի ու ներքին քաղաքականության, երկրի բարգավաճման մասին գեղեցիկ ամանորյա հեքիաթների տեսքով:
Բարի ձմեռ պապիկին դիմած ցանկացած քաղաքացի, համենայն դեպս, մինչ օրս երբեք դժգոհ չի մնացել. պապիկի պարկում բոլորի համար եթե նվերներ էլ չգտնվեն, գեղեցիկ բացատրություններ ու խոստումներ հաստատ կգտնվեն:
ArmAr.am












