Դեկտեմբերի 8-ին մեծ շուքով տեղի ունեցավ  Աբովյանի Սբ. Հովհաննես նորակառույց  եկեղեցու  հինգ գմբեթների, խաչերի  օծման արարողակարգը ձեռամբ` Կոտայքի թեմի Առաջնորդ Առաքել Եպս. Քարամյանի և մասնակցությամբ թեմի հոգևոր դասի:

Գերաշնորհ Սրբազան Հայրը իր օրհնությունը բերեց Աբովյան քաղաքի  բնակիչներին, ներկաներին, ինչպես նաև իր գոհունակությունն հայտնեց նորակառույց եկեղեցու բարերար` ԱԺ պատգամավոր տիար Գագիկ Ծառուկյանին:

Սրբազան հայրը իր օրհնության խոսքում նշեց, որ այս անձեռագործ տաճարը եթե չլցնենք մեր աղոթքներով այն կնմանվի քարեղեն կառույցի: ԵՎ յուրաքանչյուր հայորդի իր քրտինքը պետք է շաղախի եկեղեցաշինությանը ու հայրենանվեր աշխատանքին, որպեսզի պայծառանա Հայաստանյայց Առաքելական եկեղեցին և հայրենիքը:

Օծմանը ներկա էին Աբովյանի քաղաքապետ պարոն Գուլոյանը,  քաղաքային և մարզային իշխանությունների ներկայացուցիչներ:

Կոտայքի թեմի լրատվական բաժին