Թուրքիայի փոխվարչապետ և պետնախարար Ջեմիլ Չիչեկը, անդրադառնալով վերջին օրերին  Թուրքիայում իրականացված քրդական  ահաբեկչական գործողություններին, հայտարարել է, որ կատարվածի պատասխանատուները ոչ միայն նրանք են` ովքեր իրականացնում են, այլև նրանք ովքեր խրախուսում են այդ գործողությունները:

Նա մեղադրել է միջազգային հանրությանը քրդական ահաբեկչությանը խրախուսելու հարցում: Ըստ  Չիչեկի, միջազգային կառույցներն անազնիվ խաղ են խաղում Թուրքիայի հետ. վստահեցնելով, թե պայքարում են ահաբեկչության դեմ, սակայն նույն ընթացքում խրախուսում են քրդերի ահաբեկչական գործողությունները: Չիչեկը շեշտել է, որ Թուրքիայի կառավարությանը հայտնի են այն երկրները, և միջազգային կառույցները որոնք աջակցում են քրդերին:

ArmAr.am