Ռալֆ Յիրիկյանին շնորհվեց պատվավոր դոկտորի, Հայ Փորձագետների Միության պատվավոր անդամի կոչում
Հաճախորդամետություն, սպասարկման բարձր որակ և կառավարման քաղաքակիրթ մոդել: Սա է ժամանակի մարտահրավերներին դիմակայելու բանաձևը
Իր փորձը, հնարավոր դժվարությունները հաղթահարելու ուղին վաղվա մասնագետներին ներկայացնելու ՎիվաՍել-ՄՏՍ-ի պատրաստակամությունը գտել է հերթական հասցեատերերին:
ՎիվաՍել-ՄՏՍ-ը` «ՄՏՍ» ԲԲԸ դուստր ձեռնարկությունը, հայտարարում է, որ «ՎիվաՍել-ՄՏՍ` բիզնես, որն ունի առաքելություն» թեմայով դասախոսությունն այս անգամ ներկայացվել է Երևանի դատական փորձագիտության և հոգեբանության ինստիտուտի ուսանողներին:
Արդյունավետ կառավարման հարցում կարևոր է համարվում բիզնես մշակույթին և հմտություններին տիրապետելը: Այդ տրամաբանությունը` հաճախորդների սպասարկման տեխնիկայից մինչև որակի կառավարում, գործունեության հենց սկզբից եղել է Հայաստանի բջջային առաջատար օպերատորի ուշադրության կենտրոնում: Դա ընկերությանը թույլ է տվել օբյեկտիվորեն գնահատել իրականացվող ռազմավարության արդյունավետությունը և առաջնորդվել արժեքային այնպիսի համակարգով, որի հիմքում հարգանքն է միմյանց, ընկերության, բաժանորդների և երկրի նկատմամբ: Դասախոսության մասնակիցները հնարավորություն ունեցան ծանոթանալու կառավարման այդ փորձին:
«Բիզնեսում հաջողելու անհրաժեշտ պայման է սպասարկման արդյունավետությունը. օրինակ` բաժանորդներին ողջունելիս, նրանց հետ շփվելիս քաղաքավարությունը, կարծիքները, առաջարկություններն ու դիտողությունները լսելու պատրաստակամությունը, բաժանորդների սպասարկման գործընթացի արդյունավետ կազմակերպումը, երբեմն` նաև իրավիճակային լուծումը: Դա է, ի թիվս այլ կարևոր սկզբունքների, առաջատար օպերատորի համբավն ու ապրանքանիշը վայել ներկայացնելու բանաձևը»,- ընդգծեց ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Բանախոսին ուղղված հարցերի միջոցով ուսանողները ստացան իրենց հետաքրքրող հարցերի պատասխանը:
Երևանի դատական փորձագիտության և հոգեբանության ինստիտուտի Գիտական խորհրդի որոշմամբ, Ռալֆ Յիրիկյանին շնորհվեց ինստիտուտի պատվավոր դոկտորի, ինչպես նաև Հայ Փորձագետների Միության պատվավոր անդամի կոչում:
Կրթությանն աջակցելու ՎիվաՍել-ՄՏՍ-ի պատրաստակամությունը` ուսումնաարտադրական պրակտիկա կազմակերպելու միջոցով կարիերայի զարգացման հնարավորության ընձեռումը, ոգևորությամբ ընդունվեց նաև այստեղ:
ArmAr.am
Դիտել Լրահոս, Տնտեսություն բաժնի բոլոր նյութերը
