Գլոբալիզացիայի եւ տարածաշրջանային համագործակցության վերլուծական կենտրոնի տնօրեն, քաղաքագետ Ստեփան Գրիգորյան այն կարծիքի է, որ մինչեւ փետրվար Թուրքիան կվավերացնի հայ-թուրքական արձանարությունները:

Քաղաքագետը Սաֆարյանը, որ օրերս է վերադարձել Վրաստանից` այնտեղ Հարավկովկասյան անվտանգության թեմայով կազմակերպված միջազգային  կոնֆերանսից,  պնդում է, որ տարածաշրջանում նոր զարգացումներ են հասունանում: Իսկ որպեսզի Հայաստանը կարողանա դիմագրավել մարտահարվերներին, պետք է  առաջինը վավերացնի հայ-թուրքական արձանագրություններն ու`«մի կողմ քաշվի»:

Իր խոսքը նա փորձեց այս կերպ մեկնաբանել.« Հայաստանը պետք է բավական արագ վավերացնի այդ արձանագրությունները, որովհետև մենք էինք նախաձեռնողը, հետ կանգնելն անիմաստ է: Երկրորդ. ինչքան բարդանա վիճակը, այդքան դժգոհ կլինեն Միացյալ Նահանգները, ԵՄ–ը եւ Ռուսաստանը: Բոլորը գտան շահ այդ գործընքացում: Մենք պետք է վավերացնենք` ամբողջ պատասխանատվությունը թողնելով Թուրքիայի վրա: Մոտ ժամանակներս կսկվի շատ լուրջ ճնշում Թուրքիայի վրա: Մենք պետք է դուրս գանք այդ խաղից»:

Մինչդեռ քաղաքագետ Արմեն Աղայանի պնդումները ճիշտ  հակառակն են: Վերջինիս գնահատմամբ Հայաստանի իշխանության նախնական ծրագրերը` հայ-թուրքական հարաբերությունների մասով, որոշակի շեղումներ են ունեցել, ուստի արձանագրությունների վավերացումը հնարավոր է տապալվի Հայաստանի մեղքով: Քաղաքագետ  Արմեն Աղայանը նաև չի բացառում, որ ԱՄՆ-ի կողմից Հայոց Ցեղասպանության ճանաչման սպառնալիքի տակ` Թուրքիան կարող է  վավերացնել արձանագրությունները` ապրիլի 24-ի նախաշեմին:

ArmAr.am