ԼՂՀ նախագահ Բակո Սահակյանը երեկ հանդիպում է ունեցել 2009թ. Ղարաբաղի լավագույն մարզիկների հետ։ Երկրի ղեկավարն իր գոհունակությունն է հայտնել Հայաստանի, Եվրոպայի, աշխարհի առաջնություններում արցախցի մարզիկների ցուցաբերած բարձր արդյունքների կապակցությամբ, նշել, որ Արցախում կա համապատասխան մարզական ներուժ, և առաջիկայում միջազգային տարբեր մրցաշարերում ԼՂՀ մարզիկներն առավել մեծ արդյունքների կհասնեն։

Բակո Սակակյանն  ընդգծել է, որ սպորտը և ֆիզիկական կուլտուրան Ղարաբաղի համար ռազմավարական նշանակություն ունեն, ուստի ամեն կերպ կաջակցի, որ այն էլ ավելի զարգանա։

Հանդիպման վերջում ԼՂՀ նախագահը մի շարք մարզիկների և մարզիչների պարգևատրել է։

ArmAr.am