Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ և ՀՀ Աշխատանքի և սոցիալական հարցերի նախարարության աջակցությամբ Մայր Աթոռ Սուրբ Էջմիածնի Քրիստոնեական դաստիարակության կենտրոնը Ամանորի և Սուրբ Ծննդյան տոների առիթով ՀՀ ութ պետական մանկատներում այս օրերին իրականացնում է ՙԱմանորյա ժպիտներ մանկատներում՚ ծրագիրը:

Ծրագիրն իրագործվում է Տիկնիկային արվեստի գործիչների միջազգային միության հայկական կենտրոնի և «World Vision» միջեկեղեցական բարեգործական հիմնադրամի հայաստանյան գրասենյակի հետ համագործակցությամբ:

Ծրագրի շրջանակներում ցուցադրվում են տիկնիկային բեմադրություններ Սուրբ Գրքի առակների սյուժեներով և ամանորյա ներկայացումներ: Ապա ՔԴԿ տնօրեն Տ. Վարդան աբեղա Նավասարդյանը մանուկներին փոխանցում է Մայր Աթոռ Սուրբ Էջմիածնի և Ամենայն Հայոց Հայրապետի օրհնությունը: Տոնական հանդիսությունից և ամանորյա բարեմաղթանքներից հետո մանուկներին բաշխվում են նաև Ս. Ծննդյան նվերներ:

ArmAr.am