Ֆրանսահայ հայտնի շանսոնյե Շարլ Ազնավուրը բարեգործական գործընթաց է սկսել՝ Հայիթի երկրաշարժից տուժած բնակչությանն օգնելու նպատակով։ Ֆրանսիական լրատվամիջոցների հաղորդմամբ՝ Ազնավուրի այդ նախաձեռնությանը միացել են մոտ 40 ֆրանսիացի երաժիշտներ։ Նրանք արդեն կլիպ են նկարահանում, որում կոչ են անում նվիրատվություններ կատարել՝ երկրաշարժից տուժածներին օգնելու համար։ Կլիպը կցուցադրվի Ֆրանսիայի ֆրանսալեզու բոլոր հեռուստաալիքներով։ Հավաքված գումարն առաջին հերթին կուղղորդվի Կարմիր խաչի և «Բժիշկներ առանց սահմանների» կազմակերպություններին բժշկական համապատասխան պարագաներով ու դեղորայքով ապահավելուն։ Այս երկու բարեգործական կազմակերպություններն էլ աղետի գոտում իրենց առաքելությունն են կատարում երկրաշարժից անմիջապես հետո։

Ի դեպ, հենց այդ կազմակերպությունները 1988թ. Սպիտակի աղետալի երկրաշարժից հետո առաջիններից էին, որ օգնության հասան աղետի գոտու բնակչությանը։

ArmAr.am