Բակո Սահակյանը հանդիպել է Պիեռ Ֆատուշի և Ռալֆ Յիրիկյանի հետ
Հունվար 19, 2010թ. 09:00
Արցախի Հանրապետության Նախագահ Բակո Սահակյանը հունվարի 18-ին հանդիպում է ունեցել «Ղարաբաղ Տելեկոմ» ընկերության նախագահ Պիեռ Ֆատուշի եւ գլխավոր տնօրեն Ռալֆ Յիրիկյանի հետ:
Հանդիպմանը քննարկվել են Արցախում ընկերության ընթացիկ եւ հետագա ծրագրերի հետ կապված հարցեր:
Երկրի ղեկավարը կարեւորել է «Ղարաբաղ Տելեկոմ»-ի դերը հանրապետության սոցիալ-տնտեսական զարգացման գործում եւ հույս հայտնել, որ այսուհետ եւս ընկերությունն իր ակտիվ մասնակցությունը կբերի Արցախում տարբեր ծրագրերի իրականացմանը:
Հանդիպմանը ներկա էր ԼՂՀ վարչապետ Արա Հարությունյանը, փոխվարչապետ, ֆինանսների նախարար Սպարտակ Թեւոսյանը եւ պաշտոնատար այլ անձինք:
ԼՂՀ նախագահի աշխատակազմի տեղեկատվության գլխավոր վարչություն
Դիտել ԼՂ Հանրապետություն, Լրահոս, Տնտեսություն բաժնի բոլոր նյութերը
