«Սերժ Սարգսյան–Իլհամ Ալիև անցյալ տարվա ակտիվ երկխոսությունը տպավորիչ առաջընթաց չարձանագրեց, բայց վստահաբար ամրապնդեց երկու երկրների նախագահների միջեւ հարաբերությունները, ինչը թույլ տվեց նրանց խորամուխ լինել այն հարցերում, որոնք պենք է լուծվեն»,- ասել է Ռուսաստանի արտգործնախարար Սերգեյ Լավրովն այսօր Մոսկվայում կայացած ասուլիսի ժամանակ

Նա ասել է, որ պաշտոնական Մոսկվան ակտիվորեն սատարում է Հայաստանի եւ Ադրբեջանի նախագահների երկխոսությանը:

Պատասխանելով ադրբեջանական լրատվամիջոցներից մեկի հարցին` ո՞րն է ավելի կարեւոր` տարածքային ամբողջականության, թե ազգերի ինքնորոշման սկզբունքը, Սերգեյ Լավրովն ասել է.«Երկու սկզբունքներն էլ հավասարազոր են, դրանցից ոչ մեկը ավելի բարձր դասվել չի կարող»:

Ռուսաստանի արտգործնախարարը հավելել է, որ միջազգային իրավունքը տարածքային ամբողջականության եւ ազգերի ինքնորոշման սկզբունքները դիտարկում է որպես հավասարազոր:

ArmAr.am