Շվեյցարիան անհամբեր սպասում է հայ- թուրքական արձանագրությունների վավերացմանը, ադրբեջանական ԱՊԱ գործակալությանը հայտնել են այս երկրի արտգործնախարարությունից:

«Մենք հավատարիմ ենք Երեւան- Անկարա հարաբերություններին սատարելու քաղաքականությանը»,- ասել է Շվեյցարիայի արտաքին քաղաքական գերատեսչութան ներկայացուցիչը: Ցյուրիխյան փաստաթղթերի վերաբերյալ Հայաստանի Սահմանադրական դատարանի որոշումը եւ դրան պաշտոնական Անկարայի արձագանքը Շվեյցարիայի արտգործնախարարության ներկայացուցիչը հրաժարվել է մեկնաբանել:

Հայ- թուրքական արձանագրությունների արագ վավերացմանն սպասում է նաեւ ԱՄՆ արտաքին քաղաքական գերատեսչությունը։

«Մեր դիրքորոշումը չի փոխվել. կարեւոր է, որ երկու կողմերն էլ քայլեր ձեռնարկեն` ստանձնած պարտավորությունները կատարելու ուղղությամբ»,-

հայտարարել է ԱՄՆ պետքարտուղարի օգնական Ֆիլիպ Քրոուլին՝ միաժամանակ նշելով, որ վավերացումը երկու երկրների ղեկավարությունից պահանջում է աշխատանք խորհրդարանների հետ:

ArmAr.am