ArmAr.am էլեկտրոնային օրաթերթի թղթակցի հետ զրույցում հուշարձանագետ Սամվել Կարապետյանը Հայոց բանակի 18-րդ տարելիցի առիթով շնորհավորում է  հայ զինվորներին:

«Բանակն ու պետությունը բարձրագույն արժեքներ են և նախապայմանն են յուրաքանչյուր  ազգի հարատևության:

Պետությունն առանց բանակ ու բանակն առանց պետության չեն կարող լինել. այս երկու արժեքները կազմում են  մեկ միասնություն: Դրանք  արժեքներ են, որոնց մենք պետք է մշտապես փայփայենք, քանզի միայն նրանց գոյության պարագայում է, որ ազգը կարող է հարտևել ու զարգանալ իր հայրենիքում:

Անկախությունից ի վեր մենք ձեռք ենք բերել այդ գերագույն արժեքը, որի առկայությամբ և որի շնորհիվ պետք է ամուր ու հարատև լինի մեր պետությունը:

Հայոց  բանակի 18 ամյակի առթիվ շնորհավորում եմ`  Մռավի լեռների 3000 մ-ից բարձր գագաթների վրա ու մինչև Արաքսի ափերին կանգնած մեր բոլոր հայ զինվորներին: Միշտ ամուր եղեք, և միշտ գիտակցեք, թե որքան կարևոր առաքելություն եք դուք  իրականացնում:

ArmAr.am