Այսօր Կարեն Դեմիրճյանի անվան մարզահամերգային համալիրում մեկնարկած Հունահռոմեական ըմբշամարտի աշխարհի գավաթի խաղարկության ժամանակ Հայաստանի հավաքականը 7:0 հաշվով հաղթել է Սկանդինավիայի հավաքականին:

Մեկնարկից հետո առաջինը գորգ են դուրս եկել Իրանի և Կուբայի հավաքականները: Խաղն ավարտվել է 4:3 հաշվով: Թուրքիա – Հունգարիա և Ռուսաստան – Վրաստան խաղերն ավարտվել են 6:1 հաշվով` Թուրքիայի և Ռուսաստանի հաղթանակով:

Հունահռոմեական ըմբշամարտի աշխարհի գավաթի առաջնությանը ներկա են FILA-ի նախագահ և Միջազգային օլիմպիական կոմիտեի անդամ Ռաֆայել Մարտինեսը, FILA-ի գլխավոր քարտուղար Միշել Դյուսոնն ու FILA-ի այլ անդամներ:

Եզրափակիչ հանդիպումները տեղի կունենան փետրվարի 14-ին:

ArmAr.am