ԼՂՀ կենտրոնական ընտրական հանձնաժողովը  քննարկել է մայիսի 23-ին տեղի ունենալիք ԼՂՀ հերթական խորհրդարանական ընտրությունների նախապատրաստման և անցկացման գործընթացի հետ կապված մի շարք հարցեր։

Հանձնաժողովի անդամները հաստատել են ընտրությունների նախապատրաստման և անցկացման պլանը, համաձայնեցրել են հիմնական միջոցառումների ժամանակացույցը,  քվեաթերթիկների և ընտրությունների արդյունքների արձանագրությունների ձևերը։

Բացի այս,  հաստատվել է նաև պատգավորության թեկնածուների եկամուտների մասին հայտարարագրի ձևը։  Ըստ այդմ, թեկնածուները 2009թ հունվարի 1-ից մինչև 2010թ. հունվարի 1-ն ընկած ժամանակաշրջանում իրենց եկամուտների մասին տվյալները պետք է ներկայացնեն համապատասխան հանձնաժողովին։

Ընտրությունների արդյունքները պետք է հրապարակվեն երեք օրվա ընթացքում։ Բողոքների դեպքում ձայների վերահաշվարկը պետք է կատարվի ոչ ուշ քան 7 օրվա ընթացքում։

ArmAr.am