Մեծ Բրիտանիայի ԱԳ-ն այսօր զրույցի է հրավիրել իսրայելի դեսպանին պարզելու համար, թե ինչպես  են «Համազ» խմբավորման առաջնորդներից մեկի սպանության  գործով  որոշ կասկածյալների մոտ բրիտանական անձնագրեր հայտնաբերվել:

Փաստաթղթերը եղել են կեղծ` ձևակերպված Եվրոպայից Իսրայել եկած մարդկանց անուններով: Մեծ Բրիտանիայի իշխանությունները հայտարարել են , որ անձնագրերի կեղծման գործով քրեական հետաքննություն են սկսում:

Հիշեցնենք, որ ավելի վաղ Իսրայելի ԱԳ նախարարը հայտարարել էր, թե  չկա որևէ ապացույց, որ ի երկրի հատուկ ծառայությունները կապված են Համազ խմբավորման առաջնորդներից մեկի սպանության գործի հետ:

ArmAr.am