Թուրքական «Son Dakika» լրատվական կայքի տեղեկացմամբ` «Ցեղասպանության անհիմն պնդումների դեմ պայքարի միության» (ASIMED) փոխնախագահ Սավաշ Էղիլմեզը լրագրողներին հայտնել է, որ իրենք պատրաստվում են Խոջալուի կոտորածի մասին պատմող հայտարարություն, խտասկավառակ և էլեկտրոնային նամակներ ուղարկել ՄԱԿ-ի անդամ երկրների արտգործնախարարներին:

Էղիլմեզը Խոջալուի ողբերգության պատասխանատվությունը նախ բարդել է հայերի վրա, ապա լկտիաբար աղաղակել, թե հայերից անհրաժեշտ է պահանջել նյութական ու բարոյական վնասի փոխհատուցում: Էղիլմեզի անգլուխ հայտարարություններն այսքանով չեն ավարտվել. նա նաև նշել է, թե հայերը սկսյալ 1850 թվականից դաժանաբար կոտորել են թուրքերին:

Հիշեցնենք, որ նախօրեին տեղի է ունեցել Xocali.net նախագծի շնորհանդեսը: Այդ կայքեջում ներկայացված են ադրբեջանցիների կողմից իրականացվող  զազրելի կեղծիքների և փաստերի աղավաղման ժամանակագրությունը` կապված Աղդամի (Խոջալուի) 1992թ. դեպքերի հետ: Օրինակ` հայ հետազոտողները հայտնաբերել են 20 կեղծ լուսանկար, որոնք ադրբեջանական կողմից Խոջալուի քողի ներքո օգտագործվում  են` միջազգային հանրության շրջանում հայերի նկատմամբ բացասական վերաբերմունք ձևավորելու նպատակով: Մինդեռ այդ լուսանկարները 1999թ.Կոսովոյում տեղի ունեցած ջարդերի, տարերային աղետի հետևանքով զոհված քուրդ երեխաների նկարներ են:

ArmAr.am