Ինչպես տեղեկացրել էինք, Հայոց ցեղասպանության N252 բանաձևի դեմ պայքարելու համար նախօրեին Վաշինգտոն էին ժամանել Թուրքիայի խորհրդարանի արտաքին հարաբերությունների հանձնաժողովի նախագահ, իշխող «Արդարություն և զարգացում» կուսակցության   պատգամավոր Մուրաթ Մերջանը և թուրք-ամերիկյան բարեկամության խմբի նախագահ Սուաթ Քընըքլողլուն:

Թուրքական «Զաման»-ը տեղեկացնում է, որ թուրք պատվիրակությունը  ԱՄՆ-ում Թուրքիայի դեսպանատանը հանդես է եկել մամուլի ասուլիսով:

ԱՄՆ-ում Թուրքիայի նորանշանակ դեսպանն ընդգծել է, որ   ամեն գնով պետք է կանխել Ցեղասպանության բանաձևի ընդունումը Ներկայացուցիչների պալատի Արտաքին հարաբերությունների հանձնաժողովում:

«Արդարություն և զարգացում» կուսակցության   պատգամավոր Մուրաթ  Մերջանն  ասել է, թե բանաձևի քվեարկումը տապալելու համար իրենք պատրաստվում են ուժեղ լոբբինգ իրականացնել:  «ԱՄՆ կոնգրեսականների հետ Մեր հանդիպումներում ընդգծելու ենք, որ այդ բանաձևն օրակարգ բերելը չի ծառայում ոչ ամերիկյան, ոչ թուրքական շահերին, ոչ էլ նպաստում է տարածաշրջանում գործադրված ջանքերին»,- ասել է Մերջանը` հավելելով նաև այն հանագամանքը, որ դրանով կվտանգվի նաև վերջին շրջանում նկատված Երևան-Անկարա որոշակի մերձեցումը:

ArmAr.am