Ադրբեջանի ղեկավարության պահանջով պաշտոնյաների աշխատասենյակներից հավաքել են կրոնական խորհրդանիշները` ասույթներ Ղուրանից` գեղագրական նկարների տեսքով:

Այս մասին տեղեկացնում է «Թուրան» գործակալության աղբյուրը: Բանն այն է, որ մինչ օրս Ադրբեջանում  կրոնական խորհրդանիշների առկայությունը պարտադիր էին պաշտոնական աշխատասենյակներում: Դրանք, իհարկե, «մատուցվում»  էին Հեյդար և Իլհամ Ալիևների դիմանկարների և երկրի պետական դրոշի հետ միասին:

Այն, որ Ադրբեջանի իշխանությունները արգելել են կրոնական խորհրդանիշերի առկայությունը, հուշում է այն մասին, որ իշխանությունները լրջորեն մտահոգ են հասարակական կյանքում և պետական հաստատություններում կրոնի ազդեցության մեծացմամբ: Քանի որ այդ կերպ աշխարհիկ իշխանության ազդեցությունը կարող է թուլանալ: Իշխանությունը առավելապես վախենում է, որ  այդ   գործընթացը կարող է դառնալ անկառավարելի:

ArmAr.am