Թուրքիայի բարձրագույն ուսումնական հաստատատությունների խորհրդի (YOK) թույլտվությունը ստանալուց հետո Նևշեհիր համալսարանում Հայոց լեզվի և գրականության ամբիոն հիմնելու ուղղությամբ սկսեցին  աշխատանքներ իրականացվել: ԲՈՒՀ-ի ռեկտոր պրոֆեսոր Ֆիլիզ Քըլըչը հայտնել է, որ իրենց համալսարանում հայոց լեզվի և գրականության, եբրայերեն լեզվի և գրականության, հունարեն լեզվի և գրականության ու արաբերեն լեզվի և գրականության բաժիններ բացելու առաջարկով իրենք դեռ 2009-ին էին դիմել «YOK»-ին:

Եվ այժմ, թուրքական «Սաբահ»-ի տեղեկացմամբ հայագիտության ամբիոնը պատրաստ է սկսել իր աշխատանքները,  բայց բավականաչափ մասնագետներ չկան:

Այդ մասին լրատվամիջոցին հայտնել է ԲՈՒՀ-ի ռեկտորը: Նա նաև շեշտել է, որ իրենց նման գործունեությամբ  իրենք

հզորացնելու են Թուրքիայի արտգործնախարարությանն ու նպաստելու են, որ Թուրքիան ճկուն արտաքին քաղաքականություն իրականացնի իր հարևանների հետ:

Համալսարանի պրոֆեսորներից մեկն էլ ասել է, որ հայկական ամբիոնի բացումը քաղաքական լուրջ նպատակներ է հետապնդում.«Եթե վաղը  արխիվները բացվեն, ո°վքեր են ուսումնասիրելու: Դրանք ուսումնասիրելու համար մասնագետներ են հարկավոր»:

ArmAr.am