Ազգային անվտանգության խորհրդի քարտուղար Արթուր Բաղդասարյանն այսօր ընդունել է ՀԱՊԿ ռազմատնտեսական համագործակցության միջպետական հանձնաժողովի գործարար խորհրդի նախագահ, Ռուսաստանի դաշնության զինագործների միության փոխնախագահ Ալեքսանդր Նոզդրաչովի գլխավորած պատվիրակությանը:

Քննարկվել են Հայաստանի և Ռուսաստանի միջև ռազմաարդյունաբերական համալիրի զարգացմանը վերաբերող հարցեր, ինչպես նաև` ՀԱՊԿ շրջանակում ռազմատեխնիկական համագործակցության հեռանկարները: Այս մասին հայտնեցին Ազգային անվտանգության խորհրդի քարտուղարի մամուլի գրասենյակից: