ՀՀ խորհրդարանի այսօրվա նիստում երկրորդ ընթերցմամբ ընդունվեց ՀՀ քրեական օրենսգրքում փոփոխություններ կատարելու մասին օրինագիծը։Հատկանշանական է, որ  փոփոխությունները հիմնականում վերաբերում են լրագրողների շահերի պաշտպանությանը:

Այսուհետև լրագրողի մասնագիտական օրինական գործունեությանը խոչընդոտելու նպատակով, տեղեկատվություն տրամադրելուն կամ չտրամադրելուն հարկադրելու համար  լրագրողի կամ նրա ընտանիքի անդամի նկատմամբ բռնություն գործադրելու կամ բռնության սպառնալիքի համար՝ նման գործողություններ իրականացնողը, պատասխանատվության կենթարկվի: Պատասխանատվության չափը  200 հազար դրամից մինչև 400 հազար դրամ տուգանքն է, մինչև երկու տարի՝ ուղղիչ աշխատանքները, կամ մինչև հինգ տարի՝ ազատազրկումը:

ArmAr.am