Հայտնի «կոշիկանետումից» հետո հիմա էլ Էրդողանի վրա, բառիս բուն իմաստով, ցեխ են շպրտել։ Սա արդեն տեղի է ունեցել ոչ թե հեռավոր Իսպանիայում, այլ հայրենի Թուրքիայում։

Հերոսների հուշահամալիր այցելությունից հետո վարչապետը գնացել է Չաննաքգալու, որտեղ պետք է խաղալիքներ բաժաներ երեխաներին։ Հենց խաղալիքներ բաժանելու պահին էլ 23-24 տարեկան մի աղջիկ մի բուռ ցեխ է շպրտել Էրդողանի վրա։

Սակայն այս անգամ ևս վարչապետի բախտը բերել է, կամ, ավելի ճիշտ, Թուրքիայի վարչապետը արդեն հմտացել է դեպի իրեն թռչող տարբեր առարկաներից գլուխը փախցնելու գործում, քանի որ ցեխը չի հասել նշանակետին, այլ միայն լղոզվել է վարչապետի թիկունքում գտնվող ավտոբուսի վրա։

Թուրքիայի վարչապետի թիկնապահները, բնականբար, վտանգը չեզոքացրել են՝ աղջկան հեռացրել են արարողավայրից։ Սակայն, ինչպես հաղորդում է Թուրքական մամուլը, 20 րոպե հետո «դիպուկահարին» ազատ են արձակել։

ArmAr.am