Իսրայելը, բացի ուժի լեզվից, այլ լեզու չի հասկանում։ Ինչպես հաղորդում է Курсор տեղեկատվական գործակալությունը, նման հայտարարությամբ հանդես է եկել Սիրիայի նախագահ Բաշար ալ-Ասադը։ Al Manar հեռուստաալիքի եթերում, որին հովանավորում է «Հզբոլլահ» կազմակերպությունը, ալ-Ասադը նշել է, որ իր երկիրը պատրաստվում է Իսրայելի դեմ պատերազմի։

Ասադը նաև խոստացել է «Հզբոլլահին» անհրաժեշտ օժանդակություն ցուցաբերել Իսրայելին դիմադրելու հարցում։ «Մենք պատերազմ չենք ցանկանում, բայց հաշվի առնելով Իսրայելի հայտարարությունները՝ հասկանում ենք, որ այն անխուսափելի է»,- հավելել է Սիրիայի առաջնորդը։

«Իսրայելը թույլ է։ Սիոնիստներն արդեն վաղուց կորցրել են իրենց ուժը։ Նրանք պարտավոր են ձգտել համերաշխության, քանի որ հաջորդ ռազմական հակամարտության դեպքում նրանց բախտը պարզապես չի բերի»,- եզրափակել է Բաշար Ասադը:

ArmAr.am