Թուրքիայում երկրի վարչապետ Էրդողանին վիրավորելը վերածվում է վատ ավանդույթի: Կամ թքում են կամ հայհոյում, կամ էլ հանդես գալիս տարաբնույթ կարգախոսներով: Դրանցից մեկն էլ  «Մարդասպան Էրդողան» կարգախոսն է:

Եվ ահա, թուրքական լրատվամիջոցների փոխանցմամբ, Թուրքիայի Թունջելիի դատարաններից մեկը վճիռ է կայացրել տեղեկագրեր բաժանած երկու անձանց նկատմամբ:

Սակայն ինչպես տեղեկացնում է Firat գործակալությունը` Թունջելիի դատարանը արդարացման վճիռ է կայացրել Քազըմ Թոսունի եւ Ուֆուք Քալանչի նկատմամբ, ովքեր մեղադրվում էին վիրավորական կարգախոսի համար: Թուրքական դատարանի որոշման մեջ նշվել է, որ «Մարդասպան Էրդողան» խոսքը հանցանք չէ:

Ի դեպ, հիշեցնենք. խոսքն այն մասին է, որ դեռ 2008-ին Թուրքիայի զինուժի կողմից Հյուսիսային Իրաքի Քուրդիստանի ինքնավար հանրապետությունում սկսած ռազմական գործողությունների դեմ բողոքելու նպատակով կազմակերպված մամուլի ասուլիսի ժամանակ բաժանվել էին տեղեկագրեր, որոնցում իբրև  կարգախոս  գրված են եղել այդ բառերը`«Մարդասպան Էրդողան»:

ArmAr.am