Արցախի Հանրապետության նախագահ Բակո Սահակյանը հունիսի 27-ին ընդունել է պատմական հուշարձանների ճարտարապետների հայկական ասոցիացիայի պատվիրակությանը` կազմակերպության փոխնախագահ Ստեփան Նալբանդյանի գլխավորությամբ:

Արցախի նախագահի լրատվական ծառայությունից տեղեկացնում են, որ երկրի ղեկավարը կարևորել է ասոցիացիայի կողմից վերականգնվող հուշարձանների մոնիթորինգը` այն համարելով հայկական մշակութային ժառանգության պահպանման և ուսումնասիրման առանցքային բաղադրամասերից մեկը՝ միաժամանակ ընդգծելով նրա գիտակրթական և քաղաքական նշանակությունը:

Հանդիպմանը մասնակցել են Արցախի Հանրապետության վարչապետ Արա Հարությունյանը և կառավարությանն առընթեր զբոսաշրջության վարչության պետ Սերգեյ Շահվերդյանը:

ArmAr.am