Կովկասի հարցերով իրանցի փորձագետ Ֆարդադ Աֆզալի Թաբրիզին իրանական «սուլդոզ.իռ» կայքում հրապարակված հոդվածում խոսելով  ԵԱՀԿ Մինսկի խմբի համանախագահ երկրների` ԱՄՆ-ի, Ֆրանսիայի և Ռուսաստանի նախագահների՝ ղարաբաղյան հիմնախնդրի կարգավորման վերաբերյալ հայտարարության առընչությամբ`  նշում է.

«Հայաստանի և Լեռնային Ղարաբաղի միջև հաղորդակցության միջանցքի ապահովումը, ինչպես նաև Լեռնային Ղարաբաղի հայերի ինքնորոշման իրավունքի իրացման ճանաչումը վկայում են, որ Վաշինգտոնը, Մոսկվան և Փարիզը բացի Լեռնային Ղարաբաղի լիակատար անկախությունից, ուրիշ ոչնչի հետ համաձայն չեն»:

Իրանցի վերլուծաբանը նշելով, որ եռանախագահների հայտարարությունը ի վնաս Ադրբեջանի Հանրապետության է, կարծիք է հայտնում. «Պաշտոնական Բաքուն հավանաբար ողջունեց եռանախագահների հայտարարությունը` ելնելով Ադրբեջանում առաջիկայում կայանալիք խորհդարանական ընտրությունների անցկացման փաստից, որը կարևոր իրադարձություն է համարվում»:

«Ադրբեջանցի փորձագետներն ու ԶԼՄ-ները այժմ աշխատանք են տանում, որպեսզի հասարակությանը պատրաստեն` ընդունելու վերոնշյալ հայտարարության սկզբունքները»,- նկատում է Աֆզալի Թաբրիզին:

ArmAr.am