«Հայաստանում այսօր չի գործում սահմանադրական կարգը, սահմանադրության դրույթները խախտվում են, մարդու իրավունքներն ու ազատությունները սահմանափակվում են, և դա փաստ է, սակայն դա դեռեւս չի չի նշանակում, որ ամեն ինչ կորած է։ Երկրում առկա է ներուժ եւ պատրաստակամություն, որպեսզի Սահմանադրությունը դառնա գործող նորմ»,- ասում է Հայաստանի առաջին մարդու իրավունքների պաշտպան, ԱԺ «Ժառանգություն» խմբակցության քարտուղար Լարիսա Ալավերդյանը:

«Իրականությունը  ցույց է տալիս, որ ճանապարհը դեպի խորհրդարանական հանրապետություն, այն ճանապարհն է, որը կարող է Հայաստանը դարձնել իրապես իրավական պետություն, ավելի արագ, քան այսօր գործող կիսանախագահական հանարապետության դեպքում։    պետք է կառուցել խորհրդարանական հանրապետություն, բացի դրանից սոցիալական, քաղաքական համակարգերը պետք է ենթարկվեն արմատական փոփոխությունների, որոնք հնարավոր է իրականացնել միայն սահմանադրական փոփոխությունների միջոցով: Յուրաքանչյուր ոք իր ամենօրյա աշխատանքով պետք է նպաստի իրավական պետության կայացմանը, այսպիսով նաեւ երկրում սահմանադրական կարգի վերականգնմանը»։

ArmAr.am