ԱՄՆ պետքարտուղարի տեղակալ Ֆիլիպ Գորդոնը համամիտ է այն գաղափարին, որ Վրաստանի և Աբխազիայի, ինչպես նաև Վրաստանի և Հարավային Օսիայի միջև երկխոսությունն անհրաժեշտ է: Այս մասին Գորդոնը հայտարարել է վրացական «Ռուսթավի-2» հեռուստաալիքին տված հարցազրույցում:
Ինչպեստեղեկացնում է «Ինտերֆաքս» գործակալությունը, Ամերիկացի դիվանագետը նշել է, որ ԱՄՆ-ը ակտիվ մասնակցություն ունի ժնևյան քննարկումներում:

«Այս ձևաչափը ստեղծվել է խաղաղ և պրագմատիկ կերպով լուծելու համար այն հարցերը, որոնց շուրջ մենք տարակարծություններ ունենք», – ասել է նա և հիշեցրել ՌԴ-ի և ԱՄՆ-ի` Վրաստանի, Աբխազիայի և Հարավային Օսիայի շուրջ տարակարծությունները:

«Գաղտնիք չէ, որ Վրաստանի, Աբխազիայի և Հարավային Օսիայի շուրջ Միացյալ նահանգների և Ռուսաստանի դիրքորոշումները տարբեր են: Մենք հավատում ենք Վրաստանի ինքնիշխանությանը և տարածքային ամբողջականությանը: Մենք այդ մասին պարզ ասել ենք Ռուսաստանին: Երբ նախագահ Մեդվեդևն ԱՄՆ-ում էր, նախագահ Օբաման բարձրացրել է այդ հարցը», – նշել է Ֆ.Գորդոնը:

ԱՄՆ պետքարտուղարի տեղակալը նաև կարծիք է հայտնել, որ «անհրաժեշտ է երկխոսություն բոլոր կողմերի միջև, որովհետև միայն այդ պարագայում մենք առաջ կընթանանք», – նշել է դիվանագետը:
ArmAr.am