Երեկ երեկոյան Վրաստան ժամանած Ֆրանսիայի ԱԳ նախարար Բեռնարդ Կուշներն այսօր հանդիպումներ կանցկացնի վրացական ղեկավարության հետ: Ֆրանսիայի արտաքին քաղաքական գերատեսչության ղեկավարի հանդիպումները սկսվել են երեկոյան Վրաստանի նախագահի հետ պաշտոնական ճաշով:

«Այցի շրջանակներում նախատեսվում է երկկողմ հետաքրքրություն ներկայացնող ակտուալ թեմանների, ինչպես նաեւ տարածաշրջանային եւ բազմակողմանի հարցերի քննարկում», – ասել է Վրաստանի ԱԳ փոխնախարար Դավիթ Ջալագանին:

Կուշները կհանդիպի նաեւ վրացական ընդդիմության առաջնորդների հետ, իր վրաց գործընկերոջ հետ, կայցելի ֆրանսիական դպրոց եւ կմասնակցի Վրաստանում Ֆրանսիայի դեսպանության նոր շենքի բացմանը: Այս մասին տեղեկացնում է News Georgia-ն:

ArmAr.am