ԱՄՆ Սենատը` 60 կողմ եւ 39 դեմ ձայներով, հավանություն է տվել Օբամայի վարչակազմի մշակած փաստաթղթին, որ վերաբերում է երկրի ֆինանսական համակարգի բարեփոխմանը:

Օրինագծով արգելվում է բանկերին ֆինանսական շուկաներում գործարքներ կատարել սեփական միջոցների հաշվին, ինչպես նաեւ սահմանափակվում է բանկերի աճը, աշխատակիցներին բոնուսների վճարումը եւ այլն: Օրինագծով հստակեցվել է նաեւ ֆինանսական կազմակերպությունների սնանկացման կարգը:

Ստեղծվելու է հատուկ գործակալություն, որը պայքարելու է ֆինանսական մեքենայությունների դեմ:

Փաստաթղթի հեղինակները ասում են, թե այս օրինագծի ընդունումով հնարավոր կլինի խուսափել ֆինանսական ճգնաժամից, որ տեղի ունեցավ 2008 թ.: Հանրապետականները համարում են, որ այս օրինագծի ընդունումից հետո կտուժի ամերիկյան տնտեսության մրցունակությունը: