Համաձայն Արցախի Հանրապետության պաշտպանության նախարարության մամուլի ծառայության տարածած հաղորդագրության, հուլիսի 18-ի լույս 19-ի գիշերը և օրվա ընթացքում արցախա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր: Հակառակորդը տարբեր տրամաչափի հրաձգային զենքերից և դիպուկահար հրացաններից գնդակոծել է Հորադիզ, Աշաղը Աբդուռահմանլի, Յուսուֆջանլու, Մարզիլի, Բաշ-Քարվենդ, Շխլար, Սարըջանլու, Սեյսուլան, Ջրաբերդ, Մեհդիլի, Քարվենդ, Կորգան և Աշաղը Վեյսալի ուղղություններում տեղակայված ղարաբաղյան դիրքապահների հենակետերը:

Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է: