Երիտասարդական ինտերակտիվ «Ոչ կոնֆերանս»`Ստեփանակերտ-Շուշի

2010թ. օգոստոսի 10-13-ին Արցախում տեղի կունենա ոչ ֆորմալ, բաց «Ոչ կոնֆերանս»` նվիրված երիտասարդության միջազգային օրվան:  «Ոչ կոնֆերանսը» կանցկացվի Ստեփանակերտում (ԼՂՀ մշակույթի և երիտասարդության պալատ) և Շուշիում  (Նարեկացի արվեստի կենտրոն):

Միջոցառման պաշտոնական բացումը տեղի կունենա օգոստոսի 11-ին ժամը 10.00, Ստեփանակերտի Մշակույթի և երիտասարդության պալատ:

Արցախում նման միջոցառում կազմակերպվում է առաջին անգամ և նպատակ ունի  հավաքել ԶԼՄ-ների ներկայացուցիչների, տեղեկատվական տեխնոլոգիաների մասնագետների, բլոգերների, սոցիալական ցանցերի և առհասարակ մարդկանց, ովքեր հետաքրքրված են տեղեկատվական տեխնոլոգիաներով և պատրաստ են կիսվել իրենց փորձով ու ձեռքբերումներով և նախանշել համագործակցության նոր ուղղություններ:

Նման միջոցառման իրականացման անհրաժեշտությունը պայմանավորված է ինչպես ԼՂՀ-ում տեղեկատվական տեխնոլոգիաների, սոցիալական ցանցերի ստեղծմամբ, այնպես էլ երիտասարդության շրջանում դրանցից օգտվելու մասնագիտական հմտությունների ձեռքբերմամբ:

“Ոչ կոնֆերանսը” բաց է բոլորի համար:

Այն կանցկացվի զեկուցումների, թրենինգների, քննարկումների, շնորհանդեսների ձևով: Ամբողջ նյութը ներկայացվում է մասնակիցների կողմից:

Միջոցառման կազմակերպիչ         –   Տեղեկատվական տեխնոլոգիաների

զարգացման կենտրոն

Միջոցառման աջակից                     –   ԼՂՀ մշակույթի և երիտասարդության

հարցերի նախարարություն

Բոլոր հարցերով դիմել.

Տեղեկատվական տեխնոլոգիաների զարգացման կենտրոն.

ք. Ստեփանակերտ, Թումանյան 63

www.barcamp-artsakh.info

arcakhit@gmail.com

Հեռ.  + 37497 26 77 16   Մարութ Վանյան

+ 37497 30 47 13       Վլադիմիր Գրիգորյան