Իրանի ԱԳ նախարար Մանուչեհր Մոթթաքին ասել է, որ տարածաշրջանի երեք պարսկախոս երկրներ պետք է վերականգնեն Մետաքսի ճանապարհը` իրար կապելով իրենց երկաթուղիները: Այս մասին հաղորդում է Deutsche-Welle-ն:

«Նախագիծը Աֆղանստանի միջոցով միացնում է Տաջիկստանի երկաթուղիները Իրանին: Այնպես որ Մետաքսի ճանապարհը կվերականգնվի, եթե Չինաստանն իր երկաթուղիները միացնի Տաջիկստանին` Ղազախստանի միջոցով», –  ասել է ԱԳ նախարար:

Մոթթաքին միաժամանակ նշել է, որ այդ նախագիծը քննարկվել է պարսկախոս երկրների ղեկավարների եռակողմ գագաթաժողովի ժամանակ:

Նշենք, որ պարսկախոս երկրների ղեկավարների մեկօրյա գագաթաժողովը տեղի է ունեցել օգոստոսի 5-ին Թեհրանում, որին մասնակցել են Իրանի, Աֆղանստանի եւ Տաջիկստանի նախագահները:

ArmAr.am