Այսօր առավոտյան ժամը 9-ի մոտ հրդեհ է բռնկվել Հյուսիսային պողոտայում գտնվող Հին Էրիվան ռեստորանի տարածքում: Հրդեհվել է երկրորդ հարկը: Բարեբախտաբար տուժածներ չկան: Դեպքի վայր է ժամանել ՀՀ ԱԻՆ հրշեջ ծառայության երկու մեքենա, այս պահի դրությամբ հրդեհը մարվել է:

Դեպքի վայրում են Երեւանի ոստիկանապետ Ներսես Նազարյանը, Երեւանի Ճանապարհային ոստիկանության պետ Արսեն Արշակյանը եւ Կենտրոնի ոստիկանապետ Աշոտ Կարապետյանը: Այս պահին Թումանյան փողոցը Տերյանի խաչմերուկից մինչեւ մաշտոցի պողոտա փակ է: