Դեսպան Փոլադյանը Սիրիայում ներկայացրել է արցախյան հիմնախնդիրը
Սեպտեմբեր 2, 2010թ. 18:30
Սեպտեմբերի 2-ին Սիրիայում Հայաստանի դեսպան Արշակ Փոլադյանը հանդիպում է ունեցել Սիրիայի Ժողովրդական Ժողովի նախագահ Մահմուդ Աբրաշի հետ:
Հանդիպման ընթացքում Հայաստանի դեսպանը Մահմուդ Աբրաշին է փոխանցել ՀՀ ԱԺ նախագահ Հովիկ Աբրահամյանի նամակը: Սիրիայի Ժողովրդական Ժողովի նախագահի խնդրանքով դեսպան Փոլադյանը ներկայացրել է արցախյան հիմնախնդրի նախապատմությունը, Հայաստանի դիրքորոշումն` ուղղված խաղաղ կարգավորմանը, ինչպես նաև գործընթացի վերջին զարգացումները:
Հանդիպման ընթացքում քննարկվել են ՀՀ ԱԺ նախագահ Հովիկ Աբրահամյանի ընթացիկ տարում Սիրիա կատարելիք պաշտոնական այցի հետ կապված հարցեր:
Դիտել ԼՂ Հանրապետություն, Լրահոս, Քաղաքականություն բաժնի բոլոր նյութերը
