Արցախում ցանկանում են զարգացնել կարատե մարզաձեւը
Արցախի Հանրապետության Նախագահ Բակո Սահակյանը օգոստոսի 4-ին հանդիպում է ունեցել Հայաստանի կարատեի ֆեդերացիայի մի խումբ անդամների հետ` կազմակերպության նախագահ Գրիգոր Միխայելյանի գլխավորությամբ:
Հանդիպման ընթացքում քննարկվել են ֆիզիկական կուլտուրայի, մասնավորապես, մարտարվեստների ոլորտի զարգացման հետ կապված հարցեր:
Նախագահը նշել է, որ Արցախում գոյություն ունեն կարատեի տարբեր խմբակներ, եւ այս մարզաձեւում արդեն իսկ գրանցվել են որոշ հաջողություններ:
Սակայն Արցախում ցանկանում են էլ ավելի զարգացնել այս մարզաձեւը, եւ այս գործում առանձնակի տեղ է հատկացվում Հայաստանի կարատեի ֆեդերացիայի հետ համագործակցությանը:
Երկրի ղեկավարը համոզմունք է հայտնել, որ ներհայկական ներուժը բավականին մեծ է եւ անհրաժեշտ է այն ավելի արդյունավետ օգտագործել:
Հանդիպմանը մասնակցում էին Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, որը հանդիսանում է Հայաստանի կարատեի ֆեդերացիայի պատվո նախագահը, ԿԱ սպորտի պետական կոմիտեի նախագահ Ռազմիկ Հովսեփյանը, պաշտոնատար այլ անձինք:
Դիտել ԼՂ Հանրապետություն, Լրահոս, Հասարակություն բաժնի բոլոր նյութերը
