Այսօր նախատեսված է  ԵԱՀԿ ՄԽ համանախագահների այցը Արցախի Հանրապետություն: Ինչպես հայտնի է նրանք մինչ այդ եղել են Բաքվում, հանդիպել Ադրբեջանի նախագահ Իլհամ Ալիևի և ԱԳ նախարար Մամեդյարովի հետ: Նրանք հանդիպել են նաև «Լեռնային Ղարաբաղի ադրբեջանական համայնքի» ներկայացուցիչների հետ: Այս մասին տեղեկացնում են ադրբեջանական լրատվամիջոցները:

Արցախի Հանրապետություն կատրավելիք այցի շրջանակներում ԵԱՀԿ ՄԽ համանախագահները ներկա կգտնվեն շփման գծում անցկացվող դիտարկմանը, այնուհետև կհատեն արցախա-ադրբեջանական սահմանը հյուսիս-արևելյան հատվածում:

Տեղեկացնենք, որ ԵԱՀԿ Մինսկի խմբի համանախագահները հանդիպելու են Արցախի Հանրապետության նախագահ Բակո Սահակյանի հետ: Հանդիպման ընթացքում քննարկվելու է ԼՂ հակամարտության բանակցություններին վերաբերող ընդհանուր հարցեր:

Արցախի Հանրապետության  և ԵԱՀԿ ՄԽ համանախագահների հանդիպումը կայանալու է ժամը 15.00-ին:

Ի դեպ, ինչպես տեղեկացրել է ֆրանսիացի համանախագահ Բ.Ֆասյեն,  տարածաշրջան կատարած այցելությունից հետո համանախագահները հանդես կգան հայտարությամբ:

ArmAr.am