Սեպտեմբերի 22-ին Էստոնիայի Եկեղեցիների Խորհրդի պատվիրակությունն ավարտեց պաշտոնական իր այցը Հայաստան:

Սեպտեմբերի 21-ին Խորհրդի անդամները Մայր Տաճարում ներկա գտնվեցին Հայաստանի Հանրապետության Անկախության տոնի առիթով կատարվող Հանրապետական մաղթանքի արարողությանը, որ հանդիսապետեց Ն.Ս.Օ.Տ.Տ Գարեգին Բ Ամենայն Հայոց Կաթողիկոսը:

Նույն օրը պատվիրակությունը` ուղեկցությամբ Միջեկեղեցական հարաբերությունների բաժնի վարիչ Տ. Հովակիմ եպիսկոպոս Մանուկյանի, այցելեց Քանաքեռի Ս. Աստվածածին եկեղեցի` մասնակցելու Սրբազան պատարագին:

Ապա Խորհրդի անդամները մեկնեցին Արագածոտնի թեմ, ուր այցելեցին Օշականի Ս. Մեսրոպ Մաշտոց եկեղեցի և աղոթեցին Սուրբ Մեսրոպ Մաշտոցի շիրիմի առջև: Պատվիրակները հյուրընկալվեցին նաև առաջնորդարանին կից գործող Դպրատանը, դիտեցին երիտասարդաց միության անդամների նկարները:

Պատվիրակությանը ներկայացվեց նաև թեմի հոգևոր և շինարարական գործունեությունը և ապագայի հեռանկարները: Խորհրդի անդամներն առիթ ունեցան այցելելու Արագածոտնի թեմի պատմական վանքերն ու եկեղեցիները:

ArmAr.am