Ինչպես տեղեկացնում է Trend գործակալությունը, Թեհրանում ընթացող  «Համագործակցության ասիական երկխոսության» նիստի շրջանակներում տեղի է ունեցել Իրանի և Ուզբեկստանի ԱԳ նախարարներ Մանուչեհեր Մոթաքիի և Վլադիմիր Նորովի հանդիպումը: Կողմերը քննարկել են երկկողմ համագործակցության ընդլայնման հետ կապված հարցեր: Նախարարները կարծիք են հայտնել, որ կան բոլոր հնարավորությունները առևտրատնտեսական համագործակցության ընդլայնման համար, մասնավորապես  տրանսպորտային հաղորդակցության և տարանցիկ բեռնափոխադրումների զարգացման հարցերում: