Բրյուսելը պատրաստ չէ ընդունելու Թուրքիային ԵՄ:  Բրյուսելում հրապարակվել է ԵՄ ընդլայնման  գործընթացի վերաբերյալ Եվրահանձնաժողովի տարեկան զեկույցը: Անդամակցման թեկնածու երկրների ցուցակին ավելացվել է Մոնտենեգրոն: Թուրքիայի հետ կապված իրավիճակը շարունակում է մնալ բարդ: «Թուրքիան շարունակել է իր բարեփոխումները, մասնավորապես սահմանադրական ռեֆորմը: Սակայն ոչ ոք  չի կարող բավարարված լինել  բանակցությունների ներկա ընթացքով: Թուրքիան պետք է շտապ կատարի ԵՄ առջև ստանձնած իր պարտավորությունները` համաձայն կոլեկտիվ  պայմանագրի հավելյալ  արձանագրության, և առաջընթաց գրանցի ԵՄ գործող անդամ Կիպրոսի հետ հարաբերությունների կարգավորման գործընթացում»,- ասել է լրագրողներին  Եվրամիության ընդլայնման և հարևանության եվրոպական քաղաքականության հարցերով հանձնակատար Շտեֆան Ֆյուլեն:

ArmAr.am